唔知係個咪人大個左... 忍痛既能力都差左...

今日我去左補牙...諗住冇乜野...入去之前仲諗緊補完之後就去買我最鍾意食既椰子吐司食...

不過今次真係頂唔順...痛到我入心入肺... 連吐司都冇心機買0黎食喇 ... 醫生話蛀得好深...就0黎到左神經線... 情況再壞可能要杜牙根...大鑊!!!!  我今個月睇牙就已經用左我成千幾蚊...我已經好肉痛0家喇...求下你啦...蛀牙蟲大哥...最多戒食糖啦...你唔好再0黎喇...我真係好驚0家!!!

我咁大個女都係第一次見到糖就會覺得好驚...好唔開心咋!!! 所以我唯有決定停食甜品一段時間啦...呢個決定真係太殘忍喇~~~~~~~~~~

(p.s. 宜家隻牙仲有0的痛呀!!! 仲有多謝阿祺今晚陪我!!!)

原先諗住唔寫關於生日點樣慶祝0家喇....因為之前幾日好忙.... 但係今晚我又突然想睇番一年前我做過0的乜...所以我都想下年既我可以睇番今年我係點過生日既.!!

真係有咁0岩得咁橋...原來我上年都唔係正日慶祝0家喎. (因為上年18/9係中秋節)...但係上年frankie都有陪我食晚飯...今年就冇喇...因為佢要上堂... 不過佢知我唔開心...所以落左堂都入0黎陪我過12點....不過係過左18號既12點...唉...都好過冇啦!!!

多謝阿祺18號果日陪我食晚飯...食到好鬼飽呀!!!!!!!!!

19 September 2006

今年frankie又諗住去bowling...不過佢聽到我會著裙就話cancel喇...唉~~~~~ 真係麻煩!!!

不過最終都轉左去cycling...係呀cycling...所以我都要帶褲先得...你地話係咪冇謂?!

算啦...算啦...佢叫左我好多次0家喇...我都冇同佢去...算啦...就下佢啦...不過我都唔識cycling既...所以我地最終都係玩家庭式既單車(有4個輪果隻呀!!!) ... 開頭都有0的唔知點咁...不過玩玩下又見到有0的情侶都玩緊...所以都冇乜野喇(喂...點解星期二都咁多人既?!...0的人個個好似我咁take leave呀?!) 都幾得意!!!

因為第二日要返工...所以都係留嚮元朗食飯....今年就去左食steak...都ok呀...ok滿意佢既安排啦!!!

and 佢今年買左 ipod 俾我...佢傻0家!! 我都有MP3...仲買0黎做咩呀?!...係都等你生日我買俾你啦!!!真係衰!!! 又貴喎....真係傻傻地0家你!!!